Spunanámskeiðin hjá Improv skólanum eru opin öllum á aldrinum 18- 100 ára. 

Nemendur þurfa ekki að búa yfir reynslu í leiklist eða framkomu. 

Á hverju námskeiði eru hámark 16 nemendur.

Kennsla fer fram í Hafnarhaus, Tryggvagötu 17. Húsnæðið er aðgengilegt öllum.

Flest stéttarfélög niðurgreiða námskeiðsgjöld að hluta til eða að fullu leyti.

Skólastjóri Improv skólans er Dóra Jóhannsdóttir sem stofnaði félagasamtökin Improv Ísland árið 2015.

Kennarar Improv skólans eru margir af reyndustu spuna-leikurum landsins. 

Námskeiðin hafa verið kennd síðan 2013 og hafa yfir 1000 manns mætt á námskeið.

​

Á námskeiðinum er farið í leiki og æfingar sem kenna nemendum spuna-tækni.

Lífið er spuni, það er ekkert handrit. Allir geta því spunnið!

Að læra og æfa spuna er frábær grunnur fyrir fólk sem hefur áhuga á leiklist, gríni, skrifum og framkomu. Spuni nýtist jafnframt þeim sem hafa engan áhuga á að koma fram. 

Hugmyndafræði spunans getur nýst öllum í lífi og starfi.

Spuni er eins og íþrótt og vöðvarnir sem spunaleikarar æfa eru samskipti, hlustun, núvitund, hugrekki, að hlusta á innsæið, jákvæðni, að bregðast við hinu óvænta, að styðja aðra, að vera í flæði, leikgleði, að finna lausnir, vera opin og hlusta á innsæið.

​

Hvert námskeið er átta skipti. Þrír tímar í senn. Hláturskast í hverri viku!